Sections

1.0
pursišnīhā ēčand az hērbed ādurfarrbay ī farroxzādān hudēnān pēšōbāy
2.0
mard kē =š duxt ē ast
3.0
u =š dō mard pad zanīh ī X xwāhēnd
4.0
ud pidar be mard ē dahēd
5.0
duxt pad ān mard nē hamdādestān
6.0
u =š kām pad mard ē , dudīgar
7.0
pādixšāyīhā pad pidar ayāb pad duxtar ,
8.0
ka pidar kāmag ī duxtar nē kunēd [duxt] [pādixšāyīhā] [sālār] [griftan] [šōy] [kirdan]
9.0
[ud] [ka] [nē] [kunēd] duxt pādixšāyīhā zan bawēd ayāb nē None ,
10.0
passox
11.0
čiyōn man dānam pidar sālārīh bē dādan pādixšāyīhā
12.0
tā zīndag hamē ka =š andar abāyēd sālārīh be abāz pādixšāy stadan
13.0
bē pad hamdādestānīh ī ziyānag ī ān =iz ī sālār ayāb nē bawēd
14.0
tā pidar zīndag šōy bē pad hamdādestānīh ī pidar ud pas az pidar bē pad hamdādestānīh ī sālār enyā nē , pādixšāy kirdan
15.0
pursišn
16.0
mard ē ka duxt ē bē ō mard ē dahēd ān mard anēr be bawēd ān zan rāy sālārīh bē pad kē
17.0
ka šōy kunēd pādixšāy zan bawēd ayāb nē None
18.0
passox
19.0
ǰud ǰud dādestānīh ī padiš
20.0
bawēd kē guft ay , kē =š zan kunēd pādixšāy zan
21.0
bawēd kē guft ay , ōϑrāīn ,
22.0
pursišn
23.0
dūdag ī ē ka =š mardōm hamāg anēr be bawēnd bē zan ē ān duxt pādixšāy zanīh bawēd ayāb xwasrāyūn None None
24.0
passox
25.0
čiyōn man dānam ka ēč kas kē =š paywand šāyēd ōšmurdan az pidarān ham wehdēn nēst pēš radān ayāb mowbedān ayāb dastwarān sālār ī ē gumārišn ayāb kird ē padiš be kunišn pad šōy be dahišn
26.0
ka rad dastwar nē mad ēstēd ān ī andar šahr pad dādestān frāz wizistārtar ud u =š abestāg zand wēš warm sālār ē be paydāgēnišn
27.0
ān sālār pad šōy be dahišn , dādan pādixšāy
28.0
pursišn
29.0
mard ē az gētī bē šawēd
30.0
u =š zan ē ud duxt ē ast
31.0
pas az ān anēr be bawēd ayāb az gētī bē šawēd
32.0
ān duxt dādestān čē
33.0
passox
34.0
čiyōn man dānam ka zan frazām bawēd u =š ān duxt ē ī nēst frazend ān duxt zīndag ud šōy nē kird duxt zīndag ud pidar ka zan ī pādixšāy ud duxt zīndag ud zan pad sālārīh šōy kunēd pādixšāyīhā zanīh xūb
35.0
pursišn
36.0
mard ē ē ka =š xwah ē ayāb duxt ē ast ān mard anēr be bawēd awēšān sālārīh pad [kē]
37.0
ka =š šōy kunēd pādixšāy zanīh bawēd ayāb nē None ,
38.0
passox
39.0
čiyōn man dānam ka =š xwēšāwand wehdēn ast ān az pidarān nazdīkpaywandtar
40.0
agar xwēšāwand nēst sālārīh bē ō hamsālārīh ayāb ōy ī , dēnāgāhtar
41.0
pursišn ,
42.0
mard ē ka duxt ē pad duxtarīh bē ō mard dahēd ēg =š sālārīh pad kē
43.0
passox
44.0
pad ōy kē =š awi =š dahēd
45.0
pursišn
46.0
mard ē kē duxt ē pad duxtarīh be zan ē dahēd sālār kē
47.0
passox
48.0
ziyānag šōy ast sālārīh
49.0
ud zan rāy bē ō šōy ī zan nayēd
50.0
agar ziyānag ud agar ziyānag xwēšsālār ē sālārīh pad ziyānag
51.0
pursišn
52.0
zan ē kē duxt ē pad , duxtarīh frāz ō zan ē dahēd sālār pad kē
53.0
passox
54.0
čiyōn man dānam ziyānag duxt pad duxtarīh be dādan nē pādixšāy
55.0
pursišn
56.0
zan ē kē =š sālārīh pad mard ē ān mard pādixšāy ka ān zan pad sālārīh be dahēd
57.0
ayāb ka az gētī bē šawēd gōwēd kū =m tō pad tan ī xwēš sālār ud pādixšāy kird hē
58.0
pādixšāy zan bawēd ayāb nē None
59.0
passox
60.0
čiyōn man dānam sālār ī gumārdag sālārīh ōī kas dādan nē pādixšāy
61.0
ka kirdag ayāb būdag ud sālārīh xwēš ō zanān pādixšāyīhā dādan
62.0
ka ān kē =š awi =š dahēd be mīrēd abāz ō bun šawēd
63.0
ka =š pad tan ī xwēš sālār ud pādixšāy kunēd ud šōy kunēd pādixšāy zanīh xūb bawēd
64.0
pursišn
65.0
mard ē kē duxt ē purnāy pad zanīh ayāb pad sālārīh bē ō mard ē dahēd , duxt nē hamdādestān sālārīh be ōy dād bawēd ayāb =š sālārīh pad kē
66.0
passox
67.0
čiyōn man dānam zanīh , bē pad hamdādestānīh ī duxt tā nē bawēd ,
68.0
sālārīh ǰud az hamdādestānīh ī duxt enyā pādixšāy būd
69.0
tā pid zīndag hamē ka =š abāyēd abāz , pādixšāy stanēnd ,
70.0
ud pas az pidar kas abāz stanēnd , nē pādixšāy
71.0
pursišn
72.0
zan kē =š sālārīh pad mard ē ud ān mard be mīrēd u =š pad sālārīh be kas nē dahēd ān zan pad tan ī xwēš sālār ud pādixšāy nē kunēd ud ān zan pas az ān šōy kunēd ān mard ān zan pādixšāy ayāb nē
73.0
passox
74.0
čiyōn man dānam ka ān sālār be mīrēd sālārīh ī ān , zan abāz ō gētī sazāgīh ēstēd
75.0
ān ī sazāgtar sālārīh ī ān zan
76.0
ka pad sālār šōy kunēd ēg =š pādixšāy zanīh xūb bawēd
77.0
pursišn
78.0
mard ē ka duxt ē ī sesālag pad zanīh bē ō mard ē dahēd , ān duxt bē ō purnāyīh rasēd gōwēd kū pad zanīh ēd mard nē hamdādestān ham sālārīh pad kē ,
79.0
ka ān mard gōwēd kū bē ka zan ī man bawē ī tā =t ō kas nē dahom ān duxt pādixšāy ka sālār kunēd
80.0
ka šōy kunēd pādixšāy zanīh bawēd ayāb nē None
81.0
passox
82.0
čiyōn man dānam zanīh nē bawēd sālārīh dād bawēd
83.0
ud ka =š pid zīndagdrahnāy abāz nē stanēd pas az pid sālārīh pad ōy kē =š awi =š dahēd ,
84.0
ud ka gōwēd kū agar zan ī man nē bawē ā =t pad šōy nē daham pādixšāy
85.0
ka šōy pad daštānmāh pad zanīh wizārdan hamdādestān ud ziyānag nē hamdādestān wināh ī daštānmāh ziyānag ō bun
86.0
pursišn
87.0
duxt ē ī , aburnāy kē tan pad zanīh bē ō mard ē dahēd , ka frāz ō purnāyīh ī rasēd pādixšāy ka az ōy abāz ēstēd šōy kunēd ,
88.0
ud ān mard pādixšāy zanīh bawēd ayāb nē None
89.0
ud tā čandsālag ka tan pad zanīh bē ō mard ē dahēd abāz pādixšāy ēstēd
90.0
passox
91.0
čiyōn man dānam ka ō purnāyīh rasēd ka =š hambun =iz pad =iš nē ēstād abāz ēstādan pādixšāy ,
92.0
ka šōy kunēd , pādixšāy zanīh bawēd ,
93.0
ka =š nōsālag bawēd pad tan mad ēstēd pad sālārīh ī dādestānīg tan pad zanīh be dahēd pas az ān abāz ēstēd nē pādixšāy
94.0
pursišn
95.0
duxt ē ī nōsālag ka pad zanīh bē ō mard ē dahēd ka pānzdahsālag be bawēd pādixšāy ka az pašn abāz ēstēd mard X X ē dudīgar zan
96.0
ka abāz ēstēd ēg =iš wināh andar ān mard čē
97.0
ān mard ī dudīgar pādixšāy zan ayāb nē
98.0
passox
99.0
čiyōn man dānam nōsālag ka pad tan mad ēstēd pad hamdādestānīh ī sālār ī dādestānīg , tan pad zanīh bē ō mard ē dād az zanīh ī ān mard [abāz] [ēstādan] [nē] [pādixšāy]
100.0
[agar] abāz ēstēd sāldrahnāy , padiš uzīhēd margarzān
101.0
pursišn
102.0
zan ī purnāy ka tan pad zanīh bē ō rēdag ē ī aburnāy dahēd ayāb dahsālag , ān rēdag ān zan pad zanīh be padīrēd ka purnāy be bawēd az pašn abāz āyēd pādišā(h) ayāb nē
103.0
passox
104.0
čiyōn man dānam ka ziyānag tan pad zanīh pad sālārīh dādestānīg , be dād ziyānag abāz ēstādan nē pādixšāy
105.0
ud rēdag ka ō purnāyīh rasēd u =š hambun =iz abar ēstād abāz ēstādan nē pādixšāy
106.0
ud rēdag ka ō purnāyīh rasēd u =š hambun =iz nē ēstād abāz , ēstād pādixšāy ,
107.0
pursišn
108.0
zan ē ī purnāy kē tan pad zanīh ī bē ō mard ē ī purnāy dahēd , az ān mard abāz be ēstēd
109.0
ēg =iš wināh ud tawān ī andar ān mard čē ,
110.0
ayāb zan , gōwēd kū tan pad zanīh bē ō tō daham
111.0
pādixšāy ka zan ōy nē bawēd
112.0
passox
113.0
čiyōn man dānam ka pad sālār ī dādestānīg tan pad zanīh be dād az ān mard abāz ēstādan nē pādixšāy
114.0
ka abāz ēstēd zanīh , ān mard nē kunēd bē ka hamdādestānīh ī mērag abāz ēstēd enyā pad gyāg tanāpuhr ud pad sāldrahnāy margarzān ,
115.0
ka gōwēd kū zan ī tō bawam , pad sālārīh dādestān ēstēd čahār bār be abāyēd zastan ,
116.0
ka čahār bār be xwāst , ziyānag nē pādixšāy ka =š zan bawēd
117.0
ka zan nē bawēd sāldrahnāy margarzān bawēd
118.0
pursišn
119.0
zan ē ī ǰud az āgāhīh ī pidar abāg mard ē pašn kunēd kū =m tan pad zanīh ō tō dād
120.0
pas ka pidar āgāhīh būd gōwēd kū az ēn mard abāz ēstēd pādixšāy ka pad framān pidar abāz ēstēd zan ī mard ē ī dudīgar bawēd
121.0
ān mard ān zan pādišā(h) ayāb nē None
122.0
passox
123.0
čiyōn man dānam ka =š sālārīh pad pidar bē ka pad hamdādestānīh ī pidar gōwēd ēg =iš abāz ēstādan pādixšāy ,
124.0
čē ka nē pad hamdādestānīh ī pidar gōwēd pašn ī pad zanīh nē bawēd
125.0
pursišn
126.0
zan ē ka =š šōy be mīrēd az ān šōy frazend xwāstag nēst ud ān zan xwāstag ā =š ast , ān zan pas az ān be mīrēd frazend nēst ān xwāstag brād xwēš ayāb ān ī šōy rāy az ān xwāstag stūr abāyēd gumārdan
127.0
passox
128.0
čiyōn man dānam andar dēn ēdōn paydāg kē zan rāy čiyōn sālār ō šōy dād u =š xwāstag ē frāz ō [ōy] dād
129.0
zan xwāstag frāz az ān šōy xwēš
130.0
čiyōn mard widerān bawēd tā zan zīndag ud uzēnag ē xwēš az ān xwāstag frēzwān kirdan
131.0
čiyōn zan be mīrēd xwāstag pad stūrīh pad nabānazdišt ī šōy rasēd
132.0
ō brād ī zan tis =iz , nē rasēd nē pad xwēšīh ud nē pad stūrīh
133.0
pursišn
134.0
mard ē kē duxt ī xwēš rāy gōwēd kū =m pad tan ī xwēš sālār ud pādixšāy kird hēd duxt purnāy ayāb aburnāy ēg =š sālārīh pad kē
135.0
passox
136.0
čiyōn man dānam duxt purnāy gōwēd kū =m pad tan ī xwēš sālār ud pādixšāy kird hē sālārīh bē ō im , duxt rasēd
137.0
ka duxt aburnāy ān gōwišn pad tis nē dāštan ,
138.0
X pursišn
139.0
mard ē kē duxt ī xwēš ayāb xwah ī xwēš pad zanīh andar abāyēd awēšān nē hamdādestān hēnd ān mard pādixšāy awēšān pad stahm pad zanīh kirdan
140.0
ka kunēd kirbag ī xwēdōdahīh bawēd ayāb nē None
141.0
passox
142.0
čiyōn man dānam xwah ayāb duxt pad ān ī ēwēnag pad stahm zan kirdan pādixšāy
143.0
ka kunēd zanīh xūb kirbag ī xwēdōdahīh ōh bawēd
144.0
ka šōy nē hamdādestān kirdan nē pādixšāy ud wināh
145.0
pursišn
146.0
mard ē az gētī bē šawēd u =š xwāstag was ast u =š zan frazend nēst
147.0
ka ōy rāy stūr gumārēnd xwāstag hamāg ōy stūr xwēš ayāb čand stūr xwad None ,
148.0
abārīg čiyōn abāyēd kirdan
149.0
ud ka zan gumārēnd hamēdōn bawēd čiyōn mard None ayāb nē None
150.0
passox
151.0
čiyōn man dānam xwāstag hamāg ōy stūr pad stūrīh abāyēd dāštan tā pus zāyēd ō pānzdahsālagīh rasēd
152.0
pas xwāstag pad xwēšīh ī ōy [ō] ān pus abārīg frazendān pad stūrīh zād ēstēnd rasēd ,
153.0
ka mard ka =š abar stūrīh zan kird hamēdōn abāyēd dāštan čiyōn zan
154.0
pursišn
155.0
mard ē kē az gētī bē šawēd u =š duxt ē ayāb xwah ē ast u =š xwāstag was ast ān xwāstag hamāg awēšān xwēš ayāb čand None ,
156.0
ān ī abārīg čiyōn abāyēd kirdan
157.0
ka az awēšān frazend zāyēd ān xwāstag abar awēšān pad xwēšīh mānēd ayāb pad stūrīh None
158.0
passox
159.0
čiyōn man dānam ka duxt ayāb xwah [az] ān ī ayōgēn xwāstag hamāg ān ī ayōgēn pad stūrīh abāyēd dāštan ,
160.0
ud ān pus ayāb frazendān az ān ayōgēn zād hēnd abāyēd dāštan
161.0
ka =z duxt ayāb , xwah az ān kē =š stūrīh pad sazāgīh awi =š rasēd ka =šān gumārd ēstēd hamgōnag ,
162.0
pursišn
163.0
mard ē kē az gētī bē šawēd u =š zan ē ast u =š xwāstag was ast ān xwāstag hamāg ān zan xwēš ayāb čiyōn ,
164.0
agar ān , zan pas az ān frazend zāyēd ān xwāstag hamāg awēšān frazendān xwēš
165.0
ka frazend nē zāyēd ud be mīrēd ān xwāstag čiyōn abāyēd kirdan
166.0
passox
167.0
čiyōn man dānam xwāstag hamāg pad stūrīh abāyēd dāštan
168.0
ka az ān zan pus zāyēd , ō pānzdahsālagīh mad xwāstag bahr ē ī pusarān ziyānag pad stūrīh abāyēd dāštan ,
169.0
ud pardaxt ān pus abārīg frazend pādixšāy ī ān ī mard ān abāyēd dāštan
170.0
ān az ān zan pas az widerišnīh ī ān mard zāyʿīd hamēdōn bawēd čiyōn ka az ān mard zād hē ,
171.0
agar ziyānag be mīrēd u =š frazend az =š nē zāyēd ān xwāstag pad stūrīh ān mard ēstēd pad stūrīh ō ōy sazāgtar rasēd
172.0
pursišn
173.0
stūr ī gumārdag ēn kū pad čand gyāg šāyēd
174.0
pādixšāy ka pad stūrīh zan rāy kunēnd
175.0
ayāb ka zan rāy kunēd ud be mīrēd ān xwāstag ō kū , šawēd
176.0
ka pad stūrīh zan kunēd ān xwāstag pad frazendān pad xwēšīh mānēd ayāb pad stūrīh None ,
177.0
az bunīh ka gumārēnd xwāstag ēw stēr gāh ayāb wēš
178.0
ka ēw stēr čiyōn abāyēd gumārdan kū abar stūrīh stūr zan kunēd ayāb xwāstag pad stūrīh dārēnd
179.0
passox ,
180.0
čiyōn man dānam ka mard gumārd hē , pad was stūrīh šāyēd
181.0
ka zan pad ēk None šāyēd ,
182.0
ka xwāstag be nē abesīhēnēd pādixšāy ka abar stūrīh zan nē kunēd ,
183.0
ka be mīrēd abāz ō sazāgīh ēstēd kōdak ān ī sazāgtar ōh gumārēnd
184.0
ka abar stūrīh zan kunēd , stūrīh raft
185.0
pus ō pānzdah sāl mad xwāstag pad xwēšīh ō ān pus ud abārīg frazendān andar stūr ēd =iz pad , stūrīh ō ān ī zan rasēd
186.0
az bunīh ka stūr gumārēnd dastwarān bē ō § bē ō wizihišn ō dānišn rasišn kū pad stūrīh ēn sazāgtar
187.0
u =š sazāg ud muhr ī ēwar āwāšišn
188.0
pas az ān mobad gumārd be āwāšišn
189.0
u =š xwāstag pad stūrīh frāz gīrišn zan kunišn
190.0
ka abar stūrīh zan kird pus [ō] purnāgīh mad hamēdōn bawēd čiyōn azabar nibišt
191.0
pursišn
192.0
zan ē abar stūrīh gumārēnd pādixšāy ka abar stūrīh šōy nē kunēd None ,
193.0
ud ka šōy nē kunēd ud be mīrēd xwāstag ō kē šawēd ,
194.0
ud ka abar stūrīh šōy kunēd xwāstag abar frazendān ī ōy pad xwēšīh abar mānēd ayāb pad stūrīh ,
195.0
passox
196.0
čiyōn man dānam ka gādār kird šōy nē kird ,
197.0
pādixšāy ka šōy nē kunēd
198.0
agar frazend nēst be mīrēd xwāstag abāz ō sazāgīh ēstēd ān ī sazāgtar pad stūrīh gumārišn xwāstag pad stūrīh frāz gīrišn
199.0
abārīg ēdōn bawēd čiyōn pad čand gyāg nibišt ,
200.0
ka abar stūrīh šōy frazend zāyēd tā ka frazend zāyēd tā ka frazend ō purnāyīh rasēd ēg pad xwēšīh ō kas nē rasēd čiyōn pad čand gyāg nibišt
201.0
pursišn
202.0
mard ē ka stūrīh be padīrēd pādixšāy ka zan ī xwēš az zanīh be hilēd ōy rāy pad stūrīh ān zan kunēd
203.0
ka pus ē purnāy būd pādixšāy ka ān abāz ō zan ī xwēš kunēd ,
204.0
ud ka xwāstag was ast ān frazend rāy ān xwāstag pad xwēšīh abar mānēd ayāb pad stūrīh
205.0
passox
206.0
čiyōn man dānam ka pad hamdādestānīh ī ziyānag ēdōn , gōwēd kū tā pus zāyēd purnāy bawēd pad stūrīh zan ī wāhmān ka pus ē zāyēd pas ān pādixšāy pad pādixšāy zanīh abāz ō xwēš gīrēd
207.0
xwāstag pad xwēšīh bē ō ān pus rasēd , andar im stūrīh ī ōy zād purnāy būd
208.0
pursišn
209.0
ka mard xwāstag dōhazār pad stūrīh bē ō mard ē dahēd , ān mard abar stūrīh ī ōy zan kunēd ān xwāstag pad frazendān ōy pad xwēšīh mānēd ayāb pad stūrīh
210.0
passox
211.0
čiyōn man dānam ka pus zāyēd pānzdahsālag bawēd pad xwēšīh ,
212.0
ud tā pus pānzdahsālagīh rasēd pad stūrīh
213.0
pursišn
214.0
stūr ī būdag ayāb ēd zan xwēš ayāb duxt ayāb xwah dādestān hamēdōn
215.0
ayāb ayōgēnān pādixšāy hēnd ka pid rāy ayāb brād rāy stūr gumārēnd ud xwad šōy kunēnd
216.0
passox
217.0
čiyōn man dānam az hērbedān ōwōn āšnūd ka zan mad hamē būdag ayōgēn nē pādixšāy bē ka xwēš ayōgēnīh kunēd
218.0
pādixšāy zanīh ō kas nē pādixšāy dādan
219.0
ka dahēd pad sāldrahnāy margarzān bawēd
220.0
pursišn
221.0
mard ē ka zan ē ī wad ī aburdframān ast ān mard gyāg ē be šawēd
222.0
ōy tan bē ō anērān dahēd čand bār abāg anērān xufsēd wināh ī garān kunēd ,
223.0
ān mard ān ī zan pādixšāy dāštan ayāb be hilīd hišt
224.0
ud ka ān zan wināh kunēd ān mard wināh ast ayāb nē
225.0
passox
226.0
čiyōn man dānam ka gādan ō anērān dād ka ziyānag hamdādestān bawēd be hišt , pādixšāy
227.0
ud ka hilēd mehdādestānīh rāy pad ēn menišn kū wināh kem kunēd dārād
228.0
pad zanīh ōh , dārēd ēg pādixšāy
229.0
ud daštānmāh nē pādixšāy wizārdan ka be hilēd
230.0
az ān čiyōn guft ēstēd kū X ka hambun =iz bīm ī pad tan ayāb bīm ī pad ruwān ast be pādixšāy hišt
231.0
ā =mān ēn =iz guft ēstēd kū ka gādan ēwbār ō mard ī kasān dād tan ud ruwān harw dō bīm ī ēwar dārišn ,
232.0
ka ziyānag pas wināh , kunēd ō bun šōy nē bawēd bē ān ē ka =š abāz tuwān dāštan u =š abāz nē dārēd
233.0
ka ziyānag az wināh be patit bawēd daštānmāh pādixšāy wizārdan
234.0
pursišn
235.0
mard ē kē kōdak ē dahsālag ast ud ān mard ǧā ē bē šawēd ān kōdak pad sālārīh bē ō mard ē ī wehdēn dahēd ān kōdak framān ī ān mard nē barēd ud anēr be bawēd pidar wināh ast ayāb nē
236.0
passox
237.0
čiyōn man dānam wināh nē bawēd
238.0
pursišn
239.0
xānag ē ī wuzurg u =š tāg pad bun ī xānag u =š mard pad bun ī ān tāg be widerēd ān xānag hamāg rēman bawēd ayāb nē
240.0
passox
241.0
ka tāg pēš nē kird ēstēd , abāz ō ēn xānag
242.0
ka bun pad ǰudmenišnīh kirdag ayāb hamāg ēdōn bawēd čiyōn xānag
243.0
pursišn
244.0
nasā ī pad sagdīd awāyad , abāyēd dāštan kadār
245.0
passox
246.0
ka nasā pad gyāg ī anērān bē ka paydāg kū sag dīd tā nē pad sag dīd dārišn ,
247.0
ud ka pad gyāg ī ērān bē ka paydāg kū sag dīd tā nē sag dīd dārišn
248.0
ka pad gyāg ī ērān bē ka paydāg kū sag nē dīd tā pad sag dīd dārišn ,
249.0
pad harw dar ēd ka sag ōh nimāyišn xūbtar
250.0
pursišn
251.0
nasā ī anērān kadār
252.0
passox
253.0
čiyōn man dānam nasā ī awēšān kē pad abarzanišnīh ō ērānšahr āyēnd ud ēd kē andar mānēnd
254.0
ka xwadāy ī hudēn madan andar xwadāyān nē framānburdār
255.0
az dādestānōmandīh ī pad wizīr ī hudēnān nē kird ēstēd
256.0
ōnūn ka xwadāy ī dēnīg nē mad ēstēd pad wizīr ī dādwar ī dēnīg nē ēstēd
257.0
pursišn
258.0
mard ē ka pad pēšag be šōyēd pas az ān rēš abar handām =ē paydāg bawēd paymānag čand ud kū šāyēd
259.0
passox
260.0
ka andar ham rōz ayāb dudīgar rōz paydāg bēd abāz abāyēd šustan
261.0
ud ka pas paydāg bawēd sāmānag ē nē dānam bē ka paydāg bawēd kū pēš az šustan bawēd
262.0
pursišn
263.0
mard ē kē andar nōrōzag be šust u =š rēšag andar sar ayāb rēš ē ī hušk hambun =iz ast šāyēd ayāb nē
264.0
passox
265.0
nē šāyēd čē ēdōn bawēd čiyōn pad baršnūm
266.0
pursišn
267.0
kār ī andar nōšabagmehmānīh kadār
268.0
passox
269.0
ka zan ayāb harw čē ast kār ē pad mehmānīh nē paydāg pādixšāy kirdan
270.0
pursišn
271.0
mard ē hērbed kē nasā ē az āb bē āwarēd yazišn pādixšāy kirdan ayāb =š ōh abāyēd šustan
272.0
passox
273.0
ka xūb ēdōn bē āwarēd čiyōn guft ēstēd yazišn pādixšāy kirdan
274.0
bē pad ēč ēwēnag šāyēd xōg ī nēk rāy be šōyišn
275.0
pursišn
276.0
nasā ka andar āb wišuft ēstēd ān ī šāyēd bērōn be āwarēnd ān ī nē šāyēd dādestān čē
277.0
passox
278.0
ka āb ī armēšt nō gām frāy nēst ayāb andar čāh wišuft ēstēd tan bē ka hamāg bē āwurdan šāyēd enyā hamgōnag pad gyāg hištan weh ,
279.0
ka āb ī rawāg ān ī šāyēd āwurdan čiyōn guft ēstēd bē āwarišn
280.0
pursišn
281.0
āb ī armēšt ka =š čarbišn andar gumēxtēd tā čand kū ān gyāg pāk be bawēd
282.0
ān ī āb tā čand drahnāy akār
283.0
passox
284.0
X X X X X X X čiyōn man dānam paymānag nē ahmār
285.0
čē ka āb ī wuzurg ud waspahnāy drahnāy was tā ō ān gyāg kū , ēwar dānēd kū čarbišn nēst
286.0
ayāb pad karbāš čiyōn hērbedān pad uskār guft uzmāyišn kunēd
287.0
čiyōn pad uzmāyišn paydāg bawēd abāyēd dāštan
288.0
pursišn
289.0
ka pad dašt ē ayāb wiyābān ē nasā ē az āb bē āwarēnd ān gyāg bē pādixšāy hištan ayāb čiyōn abāyēd kirdan
290.0
passox
291.0
ka az bīm ī āb bē barēd bē ka sag nimāyēd pad dō tan barēd
292.0
tā pad tan ē nē pādixšāy barēd ,
293.0
pursišn
294.0
mard ē ka tanīhā gyāg ē frāz rasēd nasā ē ān gyāg ēstēd bē pādixšāy hištan šudan mard ud sag ānīdan
295.0
passox
296.0
ka kas ān ǰā nēst ka nišīnēd bīm ī tan ayāb axwarišnīh ud ayār xwāstan pādixšāy
297.0
pursišn
298.0
dašt ē ī wuzurg pad ēwkardagīh , āb dārēd nasā ē mayān ōbadēd čiyōn bē abāyēd barēd
299.0
passox
300.0
čiyōn man dānam pad abēbīmīh ud abēmayānīh : ī ōy frāz rasēd čiyōn =š weh tuwān āwurdan
301.0
ēdōn tā ka az āb abar nē āwarēd nihādan kešīdan pādixšāy ,
302.0
ka =š tuwān wināh nē dānam
303.0
pursišn
304.0
čāh ē ke ka andar ātaxšgāh ē , andar paymānag u =š X az nasā ud čarbišn andar gumēxt ēstēd ān ātaxš pad ham gyāg pādixšāy dāštan ayāb čiyōn abāyēd kirdan
305.0
passox
306.0
ka šāyēd ka ātaxš bē barēd bē nē X X X hanǰābēnd ud pad ǰud gyāg dārēnd pad paymānag ī sīh gām ī az čāh bē abāyēd barēd ,
307.0
ud agar ka az ān gyāg bē barēnd bē hanǰābēnd tā nē šāyēd ka se gām ast hamgyāg bē abāyēd hištan ,
308.0
andar paymānag ī sīh gām [ī] čāh yazišn kirdan ud drōn yaštan nē pādixšāy
309.0
pursišn
310.0
čāh ē ka az bun tā sar hamāg āgūr kird ēstēd u =š sag ē andar be mīrēd u =š handām ē abāz ō āgūr ēstēd ān čāh dādestān čē
311.0
passox
312.0
ka čāh čarbišn andar nē gumēxt ēstēd , sag abar āwarēnd
313.0
ka ān āgūr ē bē āhanǰēd abārīg pāk
314.0
pursišn
315.0
āb ī tazāg ke =š nasā andar wišuft ēstēd mardōm ē kē pēš ī ān nasā āb xwarēd pad paymānag ī čand kū rēman nē bawēd
316.0
passox
317.0
nō gām abar ud se gām azēr ud šaš gām abārīg pahnāy
318.0
pursišn
319.0
nasā ī andar pusyān sag čiyōn abāyēd nimūdan
320.0
passox
321.0
čiyōn man dānam sag rasan pad grīw kirdan ud kārd ē pad ān rasan bastan sag andak ē hangaxtan tā pusyān bē darrēd pas nasā nimūdan
322.0
pursišn
323.0
hixr ī murdagān kadār
324.0
passox
325.0
ān ī andar bēwiderišnīh ē ud ēd čē pas az marg bē āyēd
326.0
pursišn
327.0
nasā pad awināhīh xwarēnd kadār
328.0
passox
329.0
ān ī andar dārišn čiyōn ka uzwān ayāb dahān gyāg ē pad dandān gīrēnd ayāb xwarišn ē garm xwarēd ōbārēd
330.0
pursišn
331.0
mardōm ē kē dandān frōd šawēd tā čand āb nē abāyēd xwardan
332.0
passox
333.0
čiyōn man dānam šabānrōz ē
334.0
pursišn
335.0
nasā ī andar hazzān tā čand ān hazzān pāk be bawēd
336.0
passox
337.0
ka az nasā pāk bē būd pas az ān panǰāh sāl ōh abāyēd
338.0
pursišn
339.0
mard ka pad zan ī xwēš zaxm kunēd ud kōdak bē abganēd ān mard wināh čand
340.0
passox
341.0
margarzān bawēd ,
342.0
pursišn
343.0
mard ē kē kustīg be wišāyēd andar sāl pad patit bawēd bīm ī tan rāy kustīg rāy bastan nē šāyēd
344.0
pas az ān wināh kam kunēd ud abārīg kār ud kirbag tuxšīdār ud xwēdōdahīh kunēd ud abārīg kār ud kirbag harw čē šāyēd kunēd
345.0
ān kār ud kirbag xwēš bawēd ayāb nē ,
346.0
ka be mīrēd ān nasā ī ōy ō āb ud ātaxš barēnd [pad] stahm ā =š dādestān čē ,
347.0
passox
348.0
kār ud kirbag kunēd ōh , bawēd
349.0
u =š wināh ī wišāddwārišnīh ō bun
350.0
ud ka nē šōyēnd ud nigān nē kunēnd ka be mīrēd patītīgīhā ēstēd pādifrāh ī sešabag kunēnd ud ō dušox nē kunēnd ,
351.0
ka =š be šōyēnd ud nigān kunēnd būd kē guft kū pad wināhgārīh andar ēstēd , pad atuwānīg abāz nē ēstēd
352.0
būd kē guft kū patītīgkār ,
353.0
man ēdōn dānam kū az ān čiyōn =š margarzān pas az marg ō bun hamē bawēd
354.0
pad paygām bē ō kas ē guft kū agar =im šōyēnd ud nigān kunēnd pad paygām az man pad ǰādag pēš dastwarān pad patīt bāš ,
355.0
ka pad ēn ēwēnag pad paygām ī az ǰādag ōy pad patit bawēd patitīg xūb
356.0
u =š pas az sešabag stōš ōh yazišn
357.0
abārīg kār ud kirbag čand tuwān ōh kunišn
358.0
pursišn
359.0
mard ē kē kustīg be wišāyēd andar sāl be mīrēd ud az ān wināh pad patīt bawēd ān wināh bē šawēd ayāb nē
360.0
passox
361.0
ka andar sāl pad patīt bawēd kār ud kirbag pēš az ān kird abāz rasēd
362.0
ān ī pas az patīt kunēd ōh bawēd ,
363.0
ān ī pas az kustīgwišādagīh ud pēš az patitīgīh kunēd nē bawēd
364.0
pursišn
365.0
mard ē kē dahān xwēš andarōn pad dandān frōd gīrēd xōn bē āwarēd ān xwarišn be xwarēd , ān pōstag bē nē abgenēd ā =š dādestān čē
366.0
passox
367.0
ēn =š dādestāntar kū ōy kē angust pad dandān frōd gīrēd pas =iz šustan abāyēd
368.0
pursišn
369.0
mard ē kē xwarišn ī garm be xwarēd u =š dahān be sōzēd ān xwarišn be xwarēd ayāb bē abganēd ayāb ābilag be bawēd ān ābilag abāz be nišīnēd druyist az dahān bē āyēd rēman bawēd ayāb nē ,
370.0
passox
371.0
čiyōn man dānam rēman nē bawēd
372.0
pursišn
373.0
mard ē kē abāg mard ē ēk abāg did ǰang kunēd ān ī ǰang kunēd andar ān ǰangkird ōy did pad dandān gīrēd u =š nasā be xwarēd
374.0
ān ī pēšēn pad ān ī nasā xwardan rēman bawēd ayāb nē
375.0
passox
376.0
čiyōn man dānam kē pad dandān nē gīrēd rēman [nē] [bawēd] nē =z margarzān
377.0
pursišn
378.0
mard ē kē anēr ē ayāb rāhdār =ē abar rasēd u =š pad tan ud xwāstag bīm az =iš ast abāz tuwān dāštan ka pad dandān bē ka gīrēd
379.0
pad nasā xwardan wināhgārīh bawēd ayāb nē
380.0
passox
381.0
pad ēč rāh nasā pad nigerišn ǰōyīdan nē dastwarīhā
382.0
pursišn
383.0
mard ē kē ēk abāg did ǰang kunēd ān kē pēš kunēd wināh ud tāwān čē , ān ī pas ,
384.0
ān ī pēš ka zaxm ud rēš kunēd ēg =iš wināh čē ān ī pas čē ,
385.0
ud ka az awēšān ēk rēš abar gōwēd kū ān ī dudīgar pad dandān kird dādestān =š čē
386.0
passox
387.0
čiyōn man dānam pahikār , nigerišn
388.0
ka kū apahikārrad warōmand ud andar warōmandīh ē harw kē pad gyāg ī xwēš ēstēd pad pahikārrad dārišn
389.0
ka ēk zaxm kunēd ān =iz ī dudīgar kunēd arzīgtōzišnīh ēk pad did be šawēd
390.0
nasā kirdan ī zaxm ud kam kird bē ān ī ruwānīg čiyōn yazadān dānēnd u =š ahmār ānōh padiš bawēd
391.0
enyā dādwarān az ān čiyōn ardīgtōzišnīh wizīr ē padiš nē kird čē , dānistan nē šāyēd kū kē nasā kird ,
392.0
ka pad ēn ēwēnag , gōwēd kū =š pad dandān grift ham ud ēk gōwēd kū =m nē grift ud ēwāz paydāgīh ē nēst ān gōwišn pad awestwār nē dārišn
393.0
pursišn
394.0
kōdak ē ī haštsālag kē zaxm ayāb rēš ē ayāb zyān ē pad mard ayāb pad kōdak ē haštsālag kunēd ēg =iš wināh ud tāwān čē
395.0
passox
396.0
čiyōn man dānam ka zaxm kunēd yāt ē ,
397.0
ka wēš zanēd kū yāt ē pas =iz az yāt ē tōzišn ,
398.0
ud ka wināh ī čiyōn margarzān kunēd frāy az yāt ē ō bun nē bawēd
399.0
ka tōzišn kunēd sālīg be tōzišn ,
400.0
aburnāyīg wināh ēn and ō bun , bōdōzedīh kādyōzedīh ud ēwmōgdwārišnīh ud drāyānǰōyišnīh ; ud drōčāšišnīh
401.0
u =š tanāpuhr ud margarzān ō bun nē bawēd
402.0
pursišn
403.0
mard ē kē wēnēd kū mard ǰādūgīh ayāb margarzān ayāb any wināh ī garān kunēd ān tis pēš ī kas abāyēd guftan
404.0
ka nē gōwēd ī wināhīh bawēd ayāb nē ,
405.0
ud ka gōwēd , ā =š gugāyīh nēst bōxtag nē šāyēd pad gōwišn ān mard warōmand abāyēd dāštan ayāb nē
406.0
ud ān mard abāg ēn dādestān čē
407.0
passox
408.0
ka margarzān kunēd ayāb wināh ān kunēd ī margarzān aziš bawēd ayāb duzz ayāb gayg pad rāh wēnēd ayāb dānēd kū pad rāh hēnd hamē ka nē gōwēd nē pādixšāy ,
409.0
abārīg harw ān wināh ka nē gōwēd aziš pad rāh ī nēdānist zyān aziš
410.0
margarzān ka tuwān , paydāgēnīd nē paydāgēnēd rōšn nē kunēd hāwand bawēd
411.0
duzz ka =š drōš nē kird ēstēd az drubušt be hilēd ud harw ān wināh ka garān drōš nē kird ēstād hē ā =š nē tuwān būd hē kirdan ō bun
412.0
ān ī , ka =š drōš kird ēstād hē ēg =iz =iš tuwān būd hē kirdan ā =š ō bun nēst
413.0
ka =š az drubuštīh be hilēd harw ān wināh pad duzzīh kunēd ēg =iš ō bun
414.0
pursišn
415.0
mard ē kē arāst ē abar mard ē gōwēd wināh čē
416.0
passox
417.0
hamē ka dādwarān ēdōn gōwēnd ud ī =š gugāhīh frāz padīrēnd ān kē gugāhīh dahēd hāwand
418.0
ka ēwāz ān ī ēdōn ē gōwēd ī =š zyān ē aziš nēst gōwišn ī dušhūxt
419.0
ka =š zyān aziš ān ī bawēd wināh
420.0
pursišn
421.0
mard ē kē abāg zan ī xwēš pašn kunēd ud gōwēd kū frazend ī az tō zāyēd hambahr ud hamxwāstag kird hēnd , ud pas az ān frazend ī az ān zan , zāyēnd ān mard pādixšāy kū az frazendān ast kē xwāstag wēš dahēd ast ī kam ,
422.0
duxt ī az ān zan zāyēd pidar be šōy be dahēd
423.0
pas az pidar ān xwāstag bahr xwēš ayāb nē
424.0
passox
425.0
pusarān ud duxtarān bahr rāst xwēš ud ǰuttar kirdan nē pādixšāy
426.0
duxt ka zīndag pidar šōy kunēd pas =iz paymān ud dastwarīh rāy bahr be rasēd
427.0
pursišn
428.0
nasā ē pad rāh ē ēstēd
429.0
pad ān rāh mardōm wehdēn āyēnd šawēnd
430.0
ud pad ān nasā tan ud wastarg rēman kirdan bīm , ayāb ān nasā pad wišuft bīm
431.0
sag ō nasā nimūdan nē šāyēd ,
432.0
dō tan nēst kē abar dārēnd
433.0
ān weh ke pad tan ē abar dārēnd ayāb be X hištan weh
434.0
passox
435.0
pad gyāg be hištan pad tan ē abar nē griftan weh
436.0
pursišn
437.0
mard ē kē pad nasā abar mēzēd ān nasā bē nē ǰumbēnēd rēman bawēd ayāb nē
438.0
ayāb pad zamīg mēzēd ō ān nasā nē rasēd nasā be ǰumbēnēd rēman bawēd ayāb nē
439.0
passox
440.0
ka pas az ān mēzēd ō nasā rasēd rēman nē bawēd
441.0
ka =š abar frōd mēzēd rēman ōh bawēd
442.0
pursišn
443.0
nasā andar āb , mardōm dast andar āb kunēd
444.0
paymānag ī ān āb čand kū mardōm ē rēman nē bawēd
445.0
passox
446.0
paymānag nē ahmār čē hamē ka dast ayāb handām ē andar āb kunand ud pēš kū dast az āb abar be āwarēnd nasā X ǰumbēnīdan rēman ōh bawēd
447.0
pursišn
448.0
mard ē kē abām be mard ē dahēd mard az gētī bē šawēd
449.0
u =š zan ud frazend pad hamdūdag
450.0
ziyānag az mērag abām stānēd
451.0
abāz nē tōzēd ka az gētī bē šawēd
452.0
ud pus duxt pad dūdag hēnd
453.0
ud mērag az pus abām abāz xwāhēd
454.0
pus nakkīrā bawēd ēstēd kū =š man āgāhīh nēst
455.0
mērag ī ham abāmdār gōwēd kū sōgand xwar kū pid tō ēn abām az man be nē stad ud man abārīg xwāstagdārān ī pid ī man ēn xwāstag ō tō nē tōzišn ī nē dahišn u =šān tōxtan ud dādan nē ēwēn ,
456.0
mērag kē abām stad gōwēd kū tō ud man ēdōn warzēm kū man ud abārīg xwāstagdārān ī pid ī man az ēn tis āgāhīh nēst
457.0
pad dādestān čiyōn bawēd
458.0
passox
459.0
čiyōn man dānam ēg =iš war ōh warzišn kū pid mād ī man ēn abām az tō mērag nē stad
460.0
ud amāh kē xwāstagdār pidar ud mādar ham ēn abām ō tō tōxtan nē abāyēd
461.0
pursišn
462.0
mard ē kē dwēsad drahm az mard ē be abāyēd stad ud ān mard gōwēd kū =m nēst u =m dādan nē tuwān
463.0
ud mērag gōwēd kū =š ast ud framān dah tā xānag be wizōhēm ud im ādānīh ī =š ast andčand pad ān abām arzēd
464.0
ēg ul stadan pādixšāy ayāb nē
465.0
passox
466.0
mard kē abām az mard abāyēd stadan bē pad framān ud wizīr ī dastwarān tā pad xwāstag ī xwēš az xwāstag ī mērag stadan nē pādixšāy
467.0
ka barēd duzz bēd ayāb appar ,
468.0
dādwarān wizīr ōwōn kunišn kū xwāstag az ēn ī pad xānag mērag bē ka =š tis and pad mērag be hilēd kū =š az bar tā bar az margīh ud rēštagīh bīm nēst tā pad stadan ud burdan wizīr nē pādixšāy padiš kirdan
469.0
pursišn
470.0
mard ē kē xwāstag pad mard ē grawgān kunēd ud abām stānēd u =š padīrēd ud xwāstag andčand pad ān xwāstag arzēd
471.0
pad hunsandīh ī abāmdādār pad mērag X X grawgān kunēd
472.0
abām ēk az dō bawēd ,
473.0
pas ān xwāstag bun arzēd ud waxš nē arzēd ,
474.0
mērag ī abāmdādār xwāstag wēš pādixšāy xwāstan , ayāb ka =š ān , xwāstag ī grawgān be abespārēd was
475.0
u =š any tōzišn kunišn ayāb nē
476.0
passox
477.0
ka mērag xwāstag ī =š pad grawgānīh padīrift andar ān rōz pad arzmar pad bun ud waxš passandīd u =š be grift
478.0
ka X xwāstag az ān arz bē šawēd mard kē abām stad ud u =š xwāstag grawgān kird
479.0
hamē ka bun pad ān xwāstag druyist mard pad gyāg pad abām abāz dādan atuwānīg ud grawgāndār rāh ō xwāstag ī =š pad grawgānīh be padīrift ,
480.0
bē ka tuwānīg tā bun ud waxš be tōxtan dādestān ōh dahišn
481.0
čē ēdōn bēd ka =š abām stad hē u =š grawgān nē dād hē
482.0
u =š pas =iz abām ud waxš ōh tōzišn pad čār ud tuwān
483.0
pursišn
484.0
mard ē ka abām abar u =š xwāstag nēst u =š abām be dādan nē tuwān u =š zamān ō zēndān kunēd ud dādwar ī ōy mard pad zēndān dāštan čand pādixšāy
485.0
pad bēhištan pad čē ēwēnag bawēd ,
486.0
ud ka mard az pādīrānīh ī pad zēndān ō xwēš ud zan frazend rasēd u =š az margīh ud rēštagīh bīm čand pad zēndān pādixšāy dāštan
487.0
passox
488.0
ka paydāg kū =š tis nēst bē ka nē pad awestwarīh tōzišn ēstēd ī pad zēndān , dāštan nē pādixšāy
489.0
ud ka ēdōn gōwēd pad zēndān abāyēd dāštan pad kardag ēdōn dāšt ēstēd kū panǰ rōz pad zēndān dārišn ,
490.0
pas ka =š kār kirdan tuwān kār framāyišn ud rōzīg aziš hangārišn abārīg pad abām hangārišn
491.0
ka kār kirdan nē tuwān , rōzīg ī awizurd ōh dahišn
492.0
pursišn
493.0
mard ē kē frāz rawēd u =š zan ī pādixšāyīhā būd
494.0
u =š ō brād ī xwēš guft kū ēn zan ī =m az tō windād pad zanīh gīr ,
495.0
ud mard ān zan pad stūrīh ī ōy pad zanīh kird
496.0
ud X frazend ēčand zād
497.0
dūdag pad zan ud frazend be abesīhēd
498.0
ud mērag xwāstag andar dast mānd
499.0
ēn kū stūrīh abāz ō bun šawēd ayāb im mērag sazāgtar az ān čiyōn pad zīndagīh ō mērag guft kū ēn zan pad zanīh gīr
500.0
dādestān kardagīhā bawēd ayāb nē
501.0
passox
502.0
čiyōn man dānam ān stūrīh abāz ō bun šawēd
503.0
ān brādar aziš pad any rāh sazāgīhā ēd ast
504.0
enyā ān guftan rāy stūrīh xwēštar bawēd
505.0
nē =z ān guft ēwāz ē kardagīh
506.0
pursišn
507.0
mard ē kē =š pus ē ī purnāy būd u =š xwāstagīhā būd frāz raft
508.0
pid pus ē ī čagarīhā būd u =š pad stūrīh padīriftag dāšt
509.0
ud pas pad ān ēčand frāz rawēd
510.0
ēn kū xwāstag ī pidar ō dūdag ī ān pus kē pēš az pidar raft šawēd ayāb nē
511.0
ud agar šawēd , čand šawēd
512.0
passox
513.0
xwāstag pidar ud nēm abar ān ēdahišnīh ī dūdag ī pus abzūdan ud nēm ō ān ī pus ī padīriftag dādan
514.0
pursišn
515.0
ka pēšēmāl pad tōzišnōmandīh gugāh ē abāg ayāb dō ud pasēmāl nakkīrā war kē warzišn ,
516.0
ka az kustag ē gugāh ē az kustag ē dārišn war kē warzišn
517.0
passox
518.0
čiyōn man dānam war pāyēnišn pad harw dō X dādestān pēšēmāl wehdādestāntar
519.0
ud ham ān kē nakkīrā ham ān kē dārišn abāg ham xwad pad war warzišn ,
520.0
ud im pad war abāz ō pēšēmāl dāštan
521.0
pāyag ī wināh dah framān ud ay , abismag ud ay srōšōčarnām , ud āgrift , awōyrišt , arduš , xwar ud bāzā ud yāt , tanāpuhr , margarzān ,
522.0
pursišn
523.0
zan ē ī čagar kē =š pus ē ī purnāy ast ka ǰud az dastwarīh ud āgāhīh ī pusar šōy kunēd šāyēd ayāb nē
524.0
passox
525.0
pad čāštag ī pēšagsīr ēdōn čāšt kū abarg guft ay , čagar ka ǰud az dastwarīh dūdagsālār šōy kunēd ā =š čagarīhā zanīh xūb bawēd , yā ahmāi vīsat̰
526.0
dādfarrox wehšābuhr guft ēd nē xūb bawēd
527.0
bē =šān nē šāyēd ēd rāy wizīrēnīd
528.0
čiyōn abarg pad xūbīh wizīrēnīd ēg awēšān pad nēxūbīh abestāg gugāhīh rāy āwurd ,
529.0
čiyōn ka ān nēxūbīh ī =šān guft bahr stadan ī ān čim rāy hē ēg =š andar gādār kirdan ī ēdōn kū bahr ī dūdag nē barēd wināhdōšišnīh ē hangārīh nēst
530.0
ǰuddādestānīh ; ē kam kirdag enyā ān ī kirdag rāyēnīdag bawēd
531.0
ka pad čāštag ī ē šāyēd hērbedān kam wardēnīdan ān ī abāyēd kirdan
532.0
ka mehdādestānīh ē nē paydāg ō wēš gugāhīh čāštag ham =iz čāštag ō ān kē abestāg gugāhīh ayārtar ud abērtar hangāštan
533.0
pursišn
534.0
kē sōgand ē be xwarēd pad ēn ēwēnag ēwāz kū harw kār ud kirbag ī az ēn rōz frāz kunēm ēg =im ō wāhmān kas dād ēn kū =š dād bawēd ayāb nē
535.0
dādestān ī abar ēn dar čiyōn
536.0
passox
537.0
ka dād abar ān xwāstag gōwēd ī =š ō xwēšīh nē mad ēstēd dād be nē bawēd
538.0
ud ka abar ān kirbag ī gōwēd ī =š ō xwēšīh nē mad ēstēd ā =š hamgōnag dād be nē bawēd
539.0
ka abar ān xwāstag ī =š ō xwēšīh [nē] mad ēstēd ayāb abar ān kirbag xwāstag ī =š āgenēn ō xwēšīh nē mad ka bīm =ē ud dušwarīh ē ud mustīh =ē garānmenišnīh ī āhōg ē čiyōn ān ī pad war ī huspārom nāmčištīg gōwēd nē mad ēstēd kas ī arzānīg rāy gōwēd pas ka =š ān xwāstag ō xwēšīh ayāb ān kirbag ō warzišn mad ōy kē rāy dād ēstēd agar nūn =iz ān arzānīgīh appār nē būd ēstēd hamgōnag dād be bawēd
540.0
az bīmīhā ān ēk bīm rāy dād šāyēd būd az bīm ī dušox rāy ō arzānīgān tis dahēd
541.0
agar kirbag ē nē nīrmad ī gētīyīhā bē dōšāram ī ruwān ī kas ē rāy arzānīg daham gōwēd ka =š warzīd ōy rāy kē daham guft be bawēd
542.0
ud warzīdār ān rāy kam be nē bawēd bē hamgōnag be rasēd čiyōn ka =š ud pad ruwān ī xwēš kird hē
543.0
čē ān daham ahlāyīh dōšāram rāy X guft ōy ēn ǰādag rāy abzāyēd
544.0
ēn =iz rādīh pad kirbag , abzāyēnd ud ēdōn bawēd čiyōn kē pad ǰud az mizd ud nīrmad gētī ruwān ī kasān rāy yašt ē kunēd
545.0
ēg =iš andar uzdādōšmurišnīh ī pad war ī sōgand ī passāxt ī pad ēn ēwēnag kam āwarēd ēg =iš ī rašn saxwan ān gōwišn abestāg nimūd ēstēd ayāb ān ī ōh hangāštan šāyēd čiyōn ān ī gōwēd kū , iϑa asti auuat̰ arəϑəm ēdōn ēn dādestān pad pasēmālīh iϑa vā mē aŋ́he asti vaēδīm ayāb ēdōn man pad ān ast āgāhīh pad gugāhīh nōit̰ vā aŋ́he vaēδa ayāb nē man ān pad āgāhīh ast
546.0
ka =š pad asrāyišnīh abar hamēmāl ham ēg =iš ān saxwan ī =š nē dastwarīhā bawēd guftan pad kārīgīh ō mar , kird ud wizīr abar kirdan nērang =ē nē dānam ,
547.0
čāšt ēstēd kū ka mard ē ān būd ēstēd mard ē ī bīm rāy pēš ī dādwarān gōwēd kū ēn mard man zad būd , dādwar dānēd kū =š bīm rāy guft šāhrāh hilišn
548.0
ēn kū ōy mard ān kirbag dād guft čē čim rāy wizīr pad yazadān be hilišn kē nihēnd u =šān tuwān
549.0
ēg =iš dādwarān gētī az ān nūn xwāstag ī awēnābdāg pad zūrbarišnīh āšnāg pad dārišn abāz ō , ped kirdan čāraggarīhā nē šāyēnd
550.0
pas čiyōn kirbag ī awēnābdāg pad gōwišn abāyišn ēg =iš sōgand pad drō rāy tōzišn
551.0
pādifrāh tōzišn frārāst paydāg
552.0
ēwar ud warōmand nēpādīrān nē dārišn
553.0
wizīr abar tan xwāstag be kunišn
554.0
ān ī abar ruwān kirbag pad ōy be hilišn kē dānēd u =š tuwān
555.0
čē nēahlaw pad ān ī atuwān āsterd
556.0
pursišn
557.0
ēn kū dašn ī pus padīriftag čē ast
558.0
u =š čē sūd ka padīrēnd xwēš rāy ud ayāb kas =ē widardag rāy padīrēnd
559.0
čiyōn abāyēd padīriftan
560.0
ka ōy ī widardag rāy , padīrēnd ēg =iš āsānīh ē bawēd ayāb nē ,
561.0
ud kirbag ī pus ē ōy rāy kunēd ōy čiyōn bawēd
562.0
pad stūrīh ud ān ī widardag šāyēd ,
563.0
ka pus ī padīrēnd ud frazend zāyēd ān ī widardag ā =š nāmburdārīh bēd ayāb nē
564.0
ud ēn =iz kū pus kē =š pad pusarīh padīrēnd ka aburnāyīg čahārsālag ud pidar nē dārēd čiyōn abāyēd padīriftan u =š dahišn čē
565.0
ka =š pidar be dahēd šāyēd ayāb nē
566.0
čiyōn abāyēd dāštan ,
567.0
kardag harw ān čē nibišt ud ān ī =m nē nibišt abar ēn dar čē pad kār andar abāyēd nibišt
568.0
passox
569.0
dahišn ī pus padīrift ēn kū fradom pad X frāx čīnīdan ī humat hūxt huwaršt hudahišnīg , wizīnīhā paydāgēnīdan abāyēd
570.0
ēn =iz ān ī ōy abāyist ruwān abzōn dahišn ud ī =š humat hūxt huwaršt padīrišn rawāgdahišnīh kunišn
571.0
pas ka az =iš wardēd ā =š wāzag zand ān dānam ī pad X sagādom gōwēd
572.0
yō naire puϑrō frauraite vīδuuā̊ auuat̰ humataēca mē [paiti] [manahi] [hūxtaēca] [mē] paiti vacahi huuarəštaēca [mē] paiti š́iiaōϑne , kē ō mard pusagānīh franaftēd ēdōn kū humat ān ī an menēm pad menišn hūxt ān [ī] an gōwam pad gōwišn huwaršt ān ī man warzēm pad kunišn ,
573.0
ud ēd pad , saxwan gōwam kū abāz ēstēd ,
574.0
haōm pitarəm astō.vīδōtuš apāpa , ōy ān ī xwēš pid ō astwihād be ayāft bawēd kū =š az ōy be dād bawēd ,
575.0
nōit̰ vaŋ́hō ahmāt̰ š́iiaōϑnəm vərəziieiti , nē weh az ān kunišn warzēd
576.0
pad hangōšīdag [ẏaϑa] [ẏat̰] [narš] [aṣ̌aonō] frāiiō.humatahe frāiiō.hūxtahe frāiiō.huuarəštahe stūirīm upasciṇdaiiōit̰ čiyōn ka =š mard ī ahlaw ī frāhumat ī frāhūxt frāhuwaršt stūrīh abar škast hē ,
577.0
məṣ̌ascit̰ saiianō nōit̰ vahištahe aŋhə̄uš baxšaite murd ō =iz ōy sayānīhā nē ān ī pahlom axwān baxšēnd
578.0
ud abar pusarīh ud abārīg nāmagānīh ī pad husrawīh ud nīrmad ī widurdagān aziš būd rāy , ēn =iz gōwēd ,
579.0
iziieiṇti zī spitama zaraϑuštra iristanąm uruuąnō auuat̰ haōsrauuaŋhəm čē =šān kāmag spitāmān , zarduxšt awēšān ī widurdagān ruwān ān ī and husrawīh ud nāmagānīh ī pad gētī yaϑa aētahmi aŋhuuō yat̰ astuuaiṇti kascit̰ aŋhə̄uš astuuatō astō uštānaheca haxəδrəm , iziiōit̰ iziieitica maziiascit̰ , čiyōn andar axw ī astōmand kadārizē axw ī astōmand tan gyān hamhāgīh kāmag kū =šān abāyēd ka tan abāg gyān ē dārēd awēšān kāmag u =šān kāmag ōh =iz ,
580.0
enyā ēwāz dahišn ī pus padīriftan ēn =iz
581.0
pid pus =im kird hē pusagān =im kird hē pad =im pusarān padīrift ī hē pad pusagānīh padīrift hē
582.0
ka az ēn ēwēnag ēk ud ayāb pad ēwāz ī šahr hamhandāzagīhā ayāb pad paygām ayāb pad andarz gōwīhēd ayāb nibēsīhēd ayāb nimāyīhēd hamē ka ān purnāyīh padiš andar ēstēd ān pus padīrift xūb
583.0
aburnāy padīriftagīh bawēd
584.0
ka duxt ō purnāyīh mad hamdādestān bawēd pid ī zahag padīrēd duxtīh xūb
585.0
pursišn ēn kū frazend ī čagarīhā kār ud kirbag ī kunēd čē ān ī ō pid pādixšāyīhā čē ān ī ō pid ī čagarīhā rasēd
586.0
pad tan pasēn None ō kū šawēd
587.0
passox
588.0
agar =š ǰud az tōmīh pid ī zahag tis andar nēst čahārēk
589.0
agar xwarišn dārišn az pid ī zahag az čahār se bahr pid ī zahag xwēš bawēd
590.0
pursišn
591.0
mard ka =š pad gētī zan ud frazend pādixšāyīhā nēst pad mēnōy bawēd ayāb nē
592.0
passox
593.0
ud pad mēnōy nē pad tan ī pasēn harw kas , bowandagīh ud abēniyāzīh pad ān ī ī =š abāyišn bowandag rasēd ,
594.0
pursišn
595.0
mard ē zan ē pad pādixšāyīhā zanīh be padīrēd u =š abāg nē xufsēd
596.0
u =š pas pad čagarīhā zanīh ō mard ē dād
597.0
ēn kū =š mēnōyīhā ān zan pādixšāy bawēd ayāb nē
598.0
passox
599.0
ka pašt ī pad gōwišn ēdōn bawēd ā =š zanīh bawēd abāg xuft nē āmār
600.0
čē ka =z abāg nē xuft zan ī pādixšāyīhā bawēd
601.0
pursišn
602.0
zan ī nasā pēš az sešabag čē xwarišn čē nē xwarišn
603.0
adwadād rāy āb pādixšāy dād ayāb nē ,
604.0
agar abāyēd dād čiyōn čand
605.0
ud sarmāg saxt ātaxš pēš pādixšāy dāštan ayāb nē
606.0
ǰāmag pādixšāy abgandan ayāb nē
607.0
passox
608.0
ān ī xwardan pādixšāy gōšt ī ǰud az āb ud namak ud ǰōrdā ī nē pad āb ud abāgīh namak poxt ēstēd
609.0
āb tantōmag kē =š ābgumēzišnīh nēst ud X X pēm ī gōspandān ud stōrān xwardan ,
610.0
frāz ātaxš nišastan pad bīm ud rēštagīh pādixšāy ud pad adwadād nē pādixšāy
611.0
pursišn
612.0
zan ē kē =š gaštag az =iš āyēd kadār ān ī pad nasā dārišn
613.0
kadār ān ī nē ud be dānistan čiyōn šāyēd
614.0
passox
615.0
ēdōn guft ēstēd kū sag nimāyēnd kū andar gōmēz pad dōmardīh andar abganēnd
616.0
ka ō spēdīh wardēd pad nasā dārišn
617.0
ka pad suxrīh widāzēd bē šawēd pad nasā pādixšāy ka nē dārēd
618.0
pursišn
619.0
zan ī ābestan ka widerān bawēd pahrēz čē ǰuttar kū ān ī abārīg nasā ,
620.0
passox
621.0
ōwōn guft ēstēd kū pad dō mard barišn
622.0
harw dō pad pēšag šōyišn
623.0
bawēd dastwar [kē] guft kū pad čahār mard barišn
624.0
pādixšāy ka pad pēšag nē šōyēd
625.0
pursišn
626.0
mard ī dō ī hudēn andar kārwān ī ǰuddēnān az =iš ēk widerān bawēd
627.0
sag nē mad ēstēd
628.0
ēn mard pad tan ē pahrēz ī ān nasā čiyōn kunišn
629.0
agar awēšān agdēnān gōwēnd kū ǰud ka tō abāg amāh pad ham abar dārēnd hunsand nē bawam dāštan čiyōn , šāyēd
630.0
passox
631.0
bē az bīm ī āb ud ātaxš bē barēd tā ǰud az sag dīdan nē dastwarīhā ,
632.0
ka pad dōmardīh barēnd dastwarīhā
633.0
ka harw dō wehdēn bawēnd ayāb harw dō agdēn bawēnd xūbtar
634.0
ka , ast ēdōn šāyēd kirdan
635.0
pad ast čāštag ī burd dastwarīhā
636.0
pursišn
637.0
gandum ēkardag kē nasā abar rasēd , ka gandum pāk ud ka =z andar kāh , dādestān ī gandum čē
638.0
ud agar nasā wišuftag ast čiyōn abāyēd kirdan
639.0
ud agar rēman ast čē abāyēd kirdan
640.0
dādestān ī kāh čiyōn ,
641.0
passox
642.0
čiyōn man az dēn be dānam ǰōrdā ī pāk rāy guft ēstēd kū ǰudkardag ān and gyāg kū nasā abar ēstēd rēman abārīg pāk
643.0
ud ān ī abāg kāh āmēxt ēstēd šustan čiyōn [az] wendīdād paydāg
644.0
sāldrahnāy andar gabrag ē čiyōn guft ēstēd kirdan
645.0
ud pad sar ī sāl āb abar rēxtan
646.0
pāk pad ān zamān ka nasā nē wišuft ēstēd
647.0
pursišn
648.0
mard ē kē andar sabōy kē āb andar , ayāb xumb kē =š may andar dast padiš rēš be bawēd dādestān ī xumb ī may ud sabōy āb čē ,
649.0
passox
650.0
ka andarōn ī sabōy rēš bawēd sabōy rēman ud ān ī =š andar akār ,
651.0
agar bērōn ān and gyāg pad sōhišn az =iš burd ud sabōy akār nē bawēd nē kunišn
652.0
ka bēron bawēd ān ī =š andar nē rēman ,
653.0
pursišn
654.0
mard ē andar may afšārdan pāy be brīnēd dādestān ī may čē ,
655.0
garzag kē andar xumb ī may be mīrēd dādestān čē
656.0
passox
657.0
ka =š andar šīrag pāy be brīd āyēd nem abar āyēd ān ī =š andar ēstēd hamāg hixrōmand dārišn
658.0
agar =iš nasā bē šud paydāg nasāyōmand
659.0
ud garzag būd dastwar kē =š abārīg xrafstar nē ǰuttar guft bawēd kē ǰuttar guft
660.0
pursišn
661.0
mard ē kē bun dandān sust ayāb =iš dandān kand ēstēd andar xwarišn xwardan ē gāh gāh xōn abar āyēd ka =š pārag ē xward ka nigerēd xōn wēnēd dādestān ī pārag čē ud čiyōn
662.0
ud agar dandān saxt xwarišn andar nišīnēd pārag frōd xwardan hamāg pārag bē abgand dandān pāk kird dādestān čē
663.0
passox
664.0
ka sustīh gōšt ī dahān ēdōn bawēd ī andar xwarišn xwardan gāh gāh xōn āyēd ka ō dānišn rasēd pārag abgandan
665.0
tā xōn wēnēd ēg ka abganēd xūb
666.0
ka =š ō dānišn rasēd kū =š xōn frōd ōbārd nasā šudan nē paydāg pādixšāy ka pad ān ī āhōg pad pēšag nē šōyēd
667.0
pursišn
668.0
mard kē ābilag ayāb any paywēšag ī rēšōmand pad dast xwarišn ī pad ān dast pahikōft ēstēd ōy kē xwarēd dādestān čē
669.0
passox
670.0
paywēšag hamāg hixr ī garā guft ēstēd
671.0
ān kē nam az =iš nē āyēd ka pad xwarišn ē abāz pahikōbēd ān xwarišn nē akār bawēd
672.0
paywēšag namōmand ud xwarišn ī tarr ī pad =iš pahikafēd ud andar gumēxtēd hamāg rēman
673.0
ud ān ī hušk az ān gyāg ǰudāg kirdan šāyēd
674.0
ān and gyāg pahikōftag ǰudāg kunišn
675.0
pursišn
676.0
mard ē kē ǰōrdā hamē ārēd andar ārdan ēw dast pad sang ī āsyāb pahikōbēd nasā az =iš bē šawēd nē dānēd kū andar ārd šud ayāb andar sang dādestān ī ārd čē
677.0
passox
678.0
ka nasā šudag nē wēnēd kū pad kadām gyāg šudag ārd padiš gumānīg
679.0
ud ān ārd nē dānēd kū =š andar nē šud akār bē ō sag dahišn
680.0
pursišn
681.0
mard ē andar nān xward ē dandān pārag ē be škennēd be ōbārēd dādestān čē
682.0
passox
683.0
dandān ka az sar škennēd ō mazg nē rasīd ēstēd ast ē hušk guft ēstēd mard rēman nē kunēd
684.0
ka ō mazg mad nasā ud mard padiš rēman
685.0
pursišn
686.0
čāh ē pad āgūr abar āwurd ast u =š āb andar nasā andar ōbadēd
687.0
ka =z nasā ī zīndagān bawēd rāyēnišn ī ān čāh čiyōn
688.0
passox
689.0
ka nasā andar ōst ud ēwar čiyōn āgūr ud nē nihuftan nē hambārīdan
690.0
pursišn
691.0
mard ē ī wehdēn kē az wāzār ǰāmag xrīnēd pas ō dānišn rasēd kū =šān ēn ǰāmag az šahrgird be āwurd
692.0
ka ēwar ud ka =iz warōmand dādestān čē
693.0
passox
694.0
ka ēwar paydāg kū az šahrgird be āwurd ēstēd , nasā ud čarbišn ī nasā pad =iš būdan rāy rēmanīh mard ,
695.0
abārīg ī pad =iš ān pahikōbišn rēmanīh druyist ast ī akārīh ī
696.0
ud ka gumānīg kū az šahrgird be āwurd bē pad ēwarīh tā nē rēman
697.0
pursišn
698.0
dandān ayāb nasā ud mōy ud dandānfrēšn pas az widardan ī mardōm kē =š xwēš kadār ī rēmanīh kunēd ud kadār ān ī nē kunēd
699.0
passox
700.0
dandān nasā bawēd ēwar
701.0
ud ka mardōm murd sag nimūdan
702.0
ān dandān pad sagdīd dārišn
703.0
ka pad tan ē ǰumbēnēd rēman
704.0
mōy kē =š nasā pad =iš būdan nē paydāg ayāb dandānfrēš ī nē nasāōmand bawēd mard rēman nē kunēd
705.0
pursišn
706.0
nasā andar rāh ī šāh abārīg widarg ōbast ēstēd
707.0
u =š āyišn šawišn ī mardōmān stōrān pad =iš ast
708.0
abar griftan ī pad tan ē ō kust ē nihādan pādixšāy ayāb nē ,
709.0
agar ēdōn kū pādixšāy tā čē sāmānag pādixšāy burdan
710.0
pad ragōg ud dast abar griftan ǰud ǰud dādestān čē
711.0
agar abar nē gīrēd wināh bawēd ayāb nē ,
712.0
ud ān ī andar āb ǰuddādestānīh ē ast ayāb nē
713.0
ō any kas framūdan dādestān čē
714.0
passox
715.0
nasā pad tan ē sag nē dīd bē bē čiyōn āb ud ātaxš ayāb az bīm ī āb ud ātaxš ān zamān pad bīm ī ēwar ka nigān tā xwaršēdnigerišn kirdan pad tan ē pādixšāy ,
716.0
ka =š andar kanār murd X ēstēd az gōwišn ī ādurfarnbay farroxzādān ī hudēnān pēšōbāy bē pādixšāy ud abgandan rēman nē bawēd
717.0
ān ī az āb ēdōn abāyēd burdan nihādan kū āb ī az =iš abāz ō āb nē rasēd čē ka nē rasēd čē , ka rasēd rēman bawēd
718.0
ka nē pad dast bē pad ragōg ē ayāb pad tis ē stānēd xūbtar
719.0
ud pas sag nimūdan ō gyāg ī dādīhā burdan ,
720.0
harw pāragān kē az āb ātaxš bē āwarēd ayāb az nigānīh xwaršēdnigerišn kunēd tanāpuhr ē kirbag
721.0
sag nimūdan ud ō gyāg ī dādīhā burdan kirbag wēš
722.0
pursišn
723.0
mard ē wehdēn kē andar rāh kas ē nasā ē pad pušt ayāb pad war ud pahikafēd rēman bawēd ayāb nē
724.0
ud agar gōwēd kū =t ēn nasā awiš pahikāfam az dast frāz stad rēman kunēd ayāb nē
725.0
passox
726.0
agar abar pahikōband , u =š abāg hamkirbag nē bawēd nē pad zōr ī xwēš be abganēd rēman nē bawēd
727.0
bē wastarag ī =š abāg hamkirbag rēman bawēd
728.0
ān xūbtar ka andar ān ē ka ō duščārīh rasēd abāz ēstēd nasā nē pad zōr ī ōy bē pad xwēšīh az =iš be ōbadēd
729.0
pursišn
730.0
zan ē ka [az] daštān hamē šōyēd ā =š abar sang pāy mušt xōn az =iš āmad rēmanīh ē bawēd ayāb nē
731.0
passox
732.0
agar xwēškārīhā čē =š nasā az pāy šud ud nē ō āb mad nē rēman
733.0
ka =š pāy axwēškārīhā mušt u =š nasā az =iš šud ō āb mad rēman
734.0
pursišn
735.0
ǰōy ē ī tazāg kē =š nasā ē andar wišuft čand gām azēr ud čand abar čand az kust rēmanīh guft ēstēd
736.0
passox
737.0
āb ī tazāg ēdōn guft ēstēd kū ka =š nasā andar wišuft azabar nō gām ud azēr se gām az kustag ī bālā šaš gām
738.0
ēdōn ī nasā nē widāxt ēstēd
739.0
ka widāxt ēstēd azēr ud kustag uzmāyišn padiš kirdan sazēd
740.0
pursišn
741.0
dandān ī zīndagān čiyōn pahrēzišn
742.0
xōn ī az kār ī garā čiyōn pahrēzišn
743.0
ō sag dādan šāyēd ayāb nē
744.0
passox
745.0
dandān ō hazzān burdan xūbtar čē ka ō sag dahēnd bawēd ka ō bērōn āyēd
746.0
xōn ī az kār ī garā ō waxš ud dašt ī hušk burdan šāyēd enyā ō sag dādan xūb saham
747.0
pursišn
748.0
murw ē kē xōn ī kār ī garā be xwarēd dādestān čē
749.0
passox
750.0
būd dastwar kē wizīr pad rēmanīh kird
751.0
bawēd kē =š xwārtar guft
752.0
pursišn
753.0
gōspand ē kē dast mardōmān pad dandān gīrēd nasā bē šawēd tā čand āb nē dahišn
754.0
agar pēš az sāldrahnāy kas ē az ān gōspand pēm ud gōšt xwarēd dādestān čē
755.0
passox
756.0
gōspand pad ēn tis pahrēz āb nē guft ēstēd
757.0
sāldrahnāy gōspand harw čē az gōspand bē āyēd hixr ī garā
758.0
kas kē az =iš xwarēd rēman nē bawēd ,
759.0
bē hixrxwarišnīh wināh bawēd
760.0
pursišn
761.0
mard ē kē dandān ē ayāb nasā ē be ōbārēd āb tā čand rōz nē xwarišn
762.0
passox
763.0
dandān ōbārdag ka paydāgīh bērōn āmadan nē bawēd se šabānrōz ud ān ī pad gazišnīh dandān ēk šabānrōz kirdan pad pōryōtkēšān ēdōn abar mad
764.0
pursišn
765.0
mard ē pēš kū az gētī bē šawēd dandān ē andar ragōy pārag ē bandēd gyāg ē be nihēd
766.0
pas az bēwiderišnīh ī mard dandān ī andar ragōy pārag ē čiyōn hamē abāyēd pahrēxtan
767.0
passox
768.0
dandān pad ragōy ō hazzān barišn ud ānōh az ragōy wišādan xūbīhā abgandan
769.0
pursišn
770.0
nasā ē ka abar bān ē ka ǰumbēnīdan warōmand ud sag az azēr abar nasā nē wēnēd bē ka =š gīrēnd abar bān nayēnd nē šāyēd dādestān ī mard kē sag frāz nayēd čē
771.0
passox
772.0
ka frāz dēwār nardbān nihēnd ud az dēwār sag frāz bān nišānānd ud nān pārag pārag ō nazdīk ī nasā ka abganēnd tā be dānēnd kū sag dīd ud pas dō mard pad hamnērōgīh abar šawēnd ud hamnērōgīhā abar dārēnd ud bē barēnd xūb
773.0
pursišn
774.0
mard ē wehdēn kē andar kārwānsrāy ē kē az was barišn mardōm andar hēnd abar bām ǰuddēn ē bē uzīd hudēn widarag pad ān gyāg ī ān murdag az ānōh , X burdan hudēn čiyōn abāyēd kirdan
775.0
passox
776.0
nasā ī ǰuddēnān mard ud xānag ud gyāg rēman nē kunēd
777.0
ka gāh ē hamē barēnd ud rāhēn hudēn mard ē pad § frāz , pahikōbēd ayāb pad gāh dādestān mērag čē
778.0
ēdōn ī ka ō ǰāmag ī abar murdag pahikōbēd dādestān čē ,
779.0
passox
780.0
ka kas frāz § pahikōbēd ka wastarag abāg tan ī § hamkirbag bawēd wastarag ka tan abāg tan mērag tan wastarag pad gōmēz ud āb šōyišn
781.0
ud ka ǰāmag abar nasā pahikōbēd mard nē ud ān wastarag kē pad =iš pahikōbēd rēman
782.0
pursišn
783.0
mard ē andar wiyābān pad čāh ē frāz rasēd kē nasā andar ōbast ēstēd
784.0
az xān ō any āb rawēd hangird az harw kust ō āb
785.0
dūr čiyōn , sazēd kirdan
786.0
passox
787.0
ēdōn guft ēstēd kū nasā ō āb ud ātaxš burdan wēnišn pad ēč mehdādestānīh nē pādixšāy
788.0
ud agar čāh kē nasā ī nē wišuft andar bawēd u =šān az =iš abar āwarišn nasā šudan ud čarbišn gumēxtan nē paydāg ka be āsāyīhēd āwurdan ēg dastwarīhā
789.0
ud agar nasā wišuftagīh paydāg čarbišnōmand pad ēč ēwēnag āb az =iš hāxtan ud sreškīhā ī āb abāz ōī āb ī nasāōmand abgandan az =iš , xwardan nē dastwarīhā
790.0
čē was margarzān būdan bīm ē bawēd
791.0
pursišn
792.0
warm =ē kē =š nasā pārag ē andar ōftēd čand gām azēr ud čand az kustag rēmanīh guft ēstēd
793.0
passox
794.0
ka wišuftagīh az =iš šud se nēst harw kust X pad āb armēšt šaš gām guft ēstēd
795.0
pursišn
796.0
mard ē ārd , srēšēd ka =š be srišt bawēd dast be nigerēd u =š xōn az =iš āmad ēstēd rāyēnišn ī ān ārd čē
797.0
ud agar pas az poxtan nān ō dānišn rasēd tanūr rēman ayāb nē
798.0
ān kē ān nān xward dādestān čē
799.0
passox
800.0
agar nasā šud nē paydāg ārd ī srištag hixrōmand ud ō sag dahišn ,
801.0
ud agar poxt xward hixrxwarišnīh bawēd ,
802.0
ud agar nasā šud ēstēd ārd nasāōmand gyāg pad =iš akār ud ārd pad xūb pahrēzišnīh ō sag dahišn ,
803.0
agar xward ud tanūr nasāōmand kē az =iš xward rēman ,
804.0
pursišn
805.0
dēg ē andar ǰōšišnīh ē dast ud kafčrēz padiš dast dārēd
806.0
az ān ǰōšišn andak ē abar dast ōy ōbadēd ud dast be sōzēd ayāb ābilag abar āyēd
807.0
ān xwardīg tā az ān sōzišn bē āyēd nē dānēd kū abar dēg šud ayāb nē dādestān čē
808.0
passox
809.0
ka nasā šudan nam abar āmadan nē paydāg dēg rēmanīh nē bawēd ,
810.0
ud ka nam az =iš šudan paydāg dēg hixrōmand
811.0
ud ka nasā šudan paydāg pad xwēškārīh nigerišn
812.0
ōšyārīh nigerēd dēg ud ān =iz andar akār
813.0
pad nigerišn ān pahrēz pahrēzišn
814.0
pursišn
815.0
ēsm ī hambārišn ka =š nasā ē andar ī =š xwurd be bawēd dādestān čē
816.0
passox ,
817.0
ka ān ī pad abarmadan ī nasā warōmand ud čarbišn awiš madan nē paydāg čiyōn guft pad ǰuddēwdād paydāg be šōyišn ,
818.0
agar čarbišn andar gumēxt ud paydāg hixr ud ō nasāgyāg barišn
819.0
pursišn
820.0
tanūr ē kē dast padiš be sōzēd pas kas =ē az ān tanūr nān xwarēd , dādestān čē
821.0
passox
822.0
ka nasā šudan paydāg tanūr akār , ud rēman
823.0
kē nān padiš poxt ēstēd xwarēd rēman
824.0
ud ka =š nasā ēk =iz čarbišn gumēxtagīh nēst ud ka šud ē nē paydāg tanūr hixrōmand
825.0
kē nān az =iš xward nē rēman tanūr be kanišn
826.0
pursišn
827.0
nasā ē kē andar zamīg nihād bawēd u =š pāy abar nihēd dādestān čē
828.0
passox
829.0
ka nē ǰumbēnēd ud hamkirbag nē bawēd nē rēman
830.0
pursišn
831.0
widār andar gōrestān dādestān čē
832.0
passox
833.0
pad nam pad ēč ēwēnag ud pad abārīg hangām pad awizīrišnīh pahrēz ī nāmčištīg
834.0
pursišn
835.0
mard ē handēšīd kū tis =ē pad kas =ē daham driyōš ayāb tuwāngar ud wardēnīdan ān tis pādixšāy ayāb nē
836.0
passox
837.0
harw čē =š pad menišn handēšīd ǰuttar kirdan nē pādixšāy bē ka pašt kird ast
838.0
pursišn
839.0
pad ruwān ī kas =ē tis be dahēnd kirbag hamāg ruwān ī ōy bēd ayāb xwad =iz bawēd
840.0
passox
841.0
ōy kē dahēd ōy kē rāy kunēd hamkirbag bawēnd
842.0
pursišn
843.0
ka mardōm ē widerān bawēd [pad] patitīgīh tis =iz wināh bē šawēd ayāb nē
844.0
passox
845.0
ān and bawēd kū wināh ī pad wizārdan X atuwānīg patitīgīh kirdan rāy andar sešabag pādifrāh kunēnd bē rahēd
846.0
pursišn
847.0
ka murw abar nišīnēd tis =iz wināh be kāhēd ayāb nē
848.0
passox
849.0
guft ēstēd kū wināh be kāhēd
850.0
pursišn
851.0
sag ē andar kāhdān ē mīrēd dādestān ī kāh čē
852.0
passox
853.0
kāh rēman pad nigerišn ō stōr dādan nē pādixšāy
854.0
ud ka =š hamē xwarēd pādixšāy nē dārēd
855.0
pursišn
856.0
sag ē andar gyāg =ē andar widār be mīrēd kē gyāg tang ud xāk wasyār bawēd
857.0
andar ān xāk was gardīdan $ widār ī andar šudan tang ast
858.0
čiyōn sazēd kirdan
859.0
passox
860.0
xāk aziš abāz kirdan ud zamīg čand tan drahnāy ud pahnāy ī sag rēman ,
861.0
ud agar rāh wardēnīdan tuwān be wardēnišn ,
862.0
agar nē šāyēd ān gyāg nihuftag kunišn
863.0
pursišn
864.0
mard ē gyāg ē hamē kanēd nasā ē be dīdār āyēd ayāb X astuxān ī kahwan dādestān čē
865.0
passox
866.0
ka zamīg pad ān menišn kanēd kū nasā ī azēr ī zamīg xwaršēdnigerišn , kunēd tā xwaršēdnigerišn kirdan rēman nē bawēd
867.0
ka xwaršēdnigerišn ; būd sag nimūdan pad dō mard kār pad =iš kirdan
868.0
pursišn
869.0
mard ē andar ō čāh šawēd pāk kirdan rāy nasā ē ō dīdār āyēd
870.0
agar druwist agar wišuftag dādestān čē
871.0
passox
872.0
ka nasā wišuftag bawēd čāh akār ud nē nihumbišn , ud nē hambārišn
873.0
ēk did nazdīk frōd pādixšāy kandan
874.0
pursišn
875.0
nasā ē gyāg ē abgand ast ud abar ān be widerē ud ān abar nē dārēd šāyēd ayāb nē ,
876.0
passox
877.0
harw čē =š az āb ud ātaxš bīm be hilēnd wināh
878.0
pursišn
879.0
agar mard ē pad gāw zamīg hamē kanēd ud pad nērōg ī ōy ud ān ī gāw nasā pārag ē az zamīg bē āyēd dādestān ī mard čē
880.0
passox
881.0
agar nasā ī sag nē dīd pad dō nērōg ǰumbēnēd rēman bawēd
882.0
agar sag dīd rēman nē bawēd
883.0
pursišn
884.0
ǰāmag ē andar astōdān pad čarbišn ālūdag ast ud bīm ast kū bē barēnd
885.0
ka andar šawānd ud bē darrēnd dādestān čē
886.0
passox
887.0
ka pad čarbišn abarmadan gumānīg bē pad dō mard tā nē šāyēd
888.0
pursišn
889.0
mardōm ē kē andar panǰag ī weh widerān bawēd rōzag ud sāl māhīgān kay abāyēd kirdan
890.0
passox
891.0
rōzag ī ōy māhīgān ī naxwistēn pad sīh rōz ud abārīg frawardīn rōz ud sāl ān ham ī widerān bawēd
892.0
pursišn
893.0
mard ē pad rāh ē hamē šawēd u =š dušmen abar rasēnd kārēzār pādixšāy kirdan ayāb nē
894.0
passox
895.0
ka apattuyīh ēwar nē dānēd dādestānōmand nē pādixšāy kirdan
896.0
pursišn
897.0
az tarsāgān may ud any xwarišnīhā pādixšāy xrīd ayāb nē
898.0
passox
899.0
daštān nasā ī =šān pad dād bē pad ačār tā nē pādixšāy xrīd
900.0
pursišn
901.0
mard ē frazend xwēš rāy gōwēd kū tis daham
902.0
pēš tā =š ān tis be dād X frazend widerān bawēd ,
903.0
ān tis pādixšāy pad ruwān ī ōy be dādan ayāb nē
904.0
ud pad frazend ōy abāyēd dādan ayāb nē
905.0
passox
906.0
tis ī =š ō frazend rāy paydāgēnīd ka ō ōy frazend nē dād agar frazend duxt ō šōy ōy dahišn
907.0
pursišn
908.0
zan ka andar zādan , widerān bawēd u =š pad ruwān tis =iz , mehsūdīh bawēd čiyōn ān ī nē andar zahag
909.0
passox
910.0
xwēškārīh ud mahistwarzišnīh ī mard rāy kirbag wēš
911.0
pursišn
912.0
mardōm ē widerān bawēd ān drōn ī čahārbāmīg ī ardāfraward čē abar abāyēd nihādan
913.0
čiyōnīh ī abar ēn dar nibištan
914.0
passox
915.0
abar ān drōn dō ī wāy ī weh ud rašn ud aštād xāyag ud panīr ud namaksūd šāyēd
916.0
ud ān ī ardāfraward harw X ārāyišn ē nihādan xūb ,
917.0
pursišn
918.0
nasā pad šab burdan dastwarīhā ayāb nē
919.0
passox ,
920.0
az xānag bē burdan pādixšāy
921.0
ud andar hazzān pad rōz barišn ,
922.0
agar pad šab ō gyāg ī wiškār any nasā nēst pad =iz šab pādixšāy ,
923.0
pursišn
924.0
kōdak ē andar ātaxš ōbadēd mādar pad baršnūm abāyēd šustan ayāb nē ,
925.0
agar andar āb ōbadēd čiyōn ,
926.0
passox
927.0
ka pad wināhgārīh mādar ēdōn bawēd ud nasā be sōzēd mādar rēman ,
928.0
ud ka ō āb ōbadēd be mīrēd ayāb =iš nasā az =š bē šawēd abāg rēmanīh ē wināhgārīh ē =z ast
929.0
pursišn
930.0
mard ē gōwēd kū dram tis ē pad ruwān be daham čiyōn dahišn
931.0
passox
932.0
ēdōn xūbtar ka se ēk =ē pad yazišn ud se ēk =ē pad ātaxš ud hamkirbagīh gāhānbār ud se ēk =ē ǰašn ī xwēdōdad čiyōn mādagwartom kahīg ī kirbag
933.0
pursišn
934.0
zan ī daštān ka pad nazdīkīh ātaxš nišīnēd wināh čand
935.0
ud agar frāz čarāγ
936.0
ud , az ātaxš čand abāyēd ēstādan
937.0
passox
938.0
andar se gām harw ǰār =ē tanāpuhr =ē wināh čiyōn sesad stēr bawēd
939.0
pad se gām pērāmōn čarāg ēdōn bawēd čiyōn ātaxš
940.0
pursišn ,
941.0
zan ī daštān ka pāy abar zamīg wināh čand ,
942.0
ud āb abar zan ī daštān rēzand harw srešk =ē rāy wināh čand ,
943.0
agar abar asmān ud xwaršēd star ud māh nigerēd wināh čand ,
944.0
agar dast frāz draxt kunēd wināh čand
945.0
passox
946.0
daštān harw āb ē srešk =ē nazdīk ī wināhgārīh aw- =iš rēzand tīrēst stēr wināh
947.0
ī nigerīdan ī ǰud az ātaxš frāz tisīhā ī nibišt ast harw ǰār =ē rāy se stēr wināh
948.0
pursišn
949.0
xwarišn ī frāz zan ī daštān dahēnd agar =iš be nē tuwān xwardan tā rōz ī dudīgar frāz mānēd pad xwardan šāyēd ayāb nē
950.0
passox
951.0
guft ēstēd kū xwarišn ī [az] zan ī daštān bē pardazēd pad tis =iz kār nē šāyēd ,
952.0
būd kē guft kū pad ǰud pih , pad =iz ōy ham nē šāyēd ,
953.0
būd kē guft kū šāyēd
954.0
pursišn
955.0
mard abāg zan ī daštān saxwan guftan šāyēd ,
956.0
kōdak kē dast frāz daštān kunēd ud pas dast frāz xwarišn kunēd , šāyēd
957.0
agar kōdag sesālag ayāb čahārsālag bawēd dādestān čē
958.0
passox
959.0
mard abāg zan ī daštān saxwan guftan harw ǰār =ē framān ē wināh ,
960.0
aburnāyīg ī sesālag čahārsālag ka az šustan bīm az =š pahrēz kār nēst
961.0
pursišn
962.0
mard ē dast frāz zan ī daštān kōdag kird dādestān čē ,
963.0
ud agar =iš bōsag abāg zan ī daštān dādan wināh čand ,
964.0
agar brahnag be būdan abāg xuftan wināh čand
965.0
passox
966.0
dast frāz zan ī daštān kirdan xwar =ē wināh
967.0
abāg xuftan handām pad axwēškārīh frāz burdan wināh garān guft ēstēd
968.0
pursišn
969.0
mard kē daštānmarz kunēd aziš wināh čand
970.0
u =š tuwān ēdōn wizārišn čē abāyēd kirdan
971.0
agar =iš šusr andar nē hišt čē ǰuttar
972.0
ud agar =iš mayān rān kird dādestān čē ,
973.0
passox
974.0
gugān ī tōzišn wasmarag čē az hazār gōspand zōhr ōī ātaxš warahrān guft ēstēd ,
975.0
hazār puštag ēsm ud hazār puštag bōy ud hazār yazišn kē zōhr ō āb barēd
976.0
ud hazār mār ud dōhazār sūhmār ud agar mār ōzanēd hazār wēškirbagtar
977.0
ud hazār wak ī ābīg dōhazār ī ǰud az āb čē =š tuwān dwāristan , hazār mōr ī dānagkeš ud dōhazār xwurdag hazār magas syā ud dōhazār karbūg
978.0
ud sīh puhl abar gyāg widār ī [āb] bastan ,
979.0
ud ka mard tuwānīg ā =š ēdōn wizārišn , čiyōn pad abestāg paydāg
980.0
ka atuwānīg ka =š hamādēn ud dwāzdahhōmāst ī pad zōhr yašt ā =š xūb wizārd būd
981.0
pursišn ,
982.0
mard ka abāg zan ī ǰuddēn marzišn kunēd dādestān čē ,
983.0
agar zan ābustan bawēd ud agar az ōy ābustan čiyōn
984.0
agar zan X daštān bawēd čiyōn
985.0
agar nē bawēd dādestān čē ,
986.0
passox
987.0
andar marzišn wināh ī garān
988.0
agar ābustan bēd čand wināh bawēd šāyēd ,
989.0
ud agar daštān wizārišn ān ī nibišt
990.0
agar nē daštān nē ābustan ǰud [az] , anērmarzišnīh rēš ī pad tan bīm ī pad ruwān griftārīh āwāmīg padiš tōzišnīg
991.0
ka padiš griftārīhēd ān ī abāg zan ī daštān šusr akārkirdan ī nē andar tan tanāpuhr ē
992.0
wināh ī šusr akārkirdan wizār tan rēmankirdan
993.0
pursišn
994.0
mard kē abāg zan ī daštān bawēd zan be nē gōwēd dādestān čē
995.0
agar zan anēr bawēd ud agar =iz wehdēn būd pas az ān be gōwēd dādestān čē ,
996.0
passox ,
997.0
ka zan ān ī =š awiš dastwarīhā ud šudan mard nē āgāh , ud ziyānag āgāh ud nē gōwēd ziyānag wināhgār ud mard awināh
998.0
ud ka ziyānag nē dastwarīhā mērag =iz wināh wināhgār
999.0
pursišn
1000.0
zan ē kōdak pad xānag pad bun ī ātaš be hilēd xwad az ān gyāg bē šud
1001.0
kōdak be ātaš be sōzēd
1002.0
zan padiš wināhgār bawēd ayāb nē
1003.0
u =š baršnūm abāyēd šustan ayāb nē
1004.0
passox
1005.0
zan ka =š sālārīh ī aburnāyīg xwad kunišn aburnāyīg pad gyāg ī bīmōmand ān rāy nē pādixšāy hilēd čand ka =š X dast awiš ayābēd
1006.0
ka ǰuttar hišt aburnāyīg ō bīm šawēd rēš ī bawēd ō bun
1007.0
agar sōzēd ēdōn bawēd ī nasā be ō ātaxš rasād margarzānīh ud rēmanīh tan ī wastarg
1008.0
pursišn
1009.0
mard kē pidar xwāstag windēd ī az abārōnīh handōxt ēstēd ān xwāstag , xward ud pad kār ī kirbag uzēnag kunēd šāyēd ayāb nē
1010.0
ka ruwān ī xwēš ud ān =iz ī pidar aziš yazišn kunēd ō ruwān rasēd ayāb nē
1011.0
passox
1012.0
harw ud ān xwāstag kē pidar pēš az frāzmadan ī frazend handōxt ēg =iš frazend andar ī =š wināh ud kirbag nē šnāsam
1013.0
u pas ka ō dārišn pādixšāy ī frazend rasēd harw čē aziš dānēd kū az duzz ayāb appar mādag dōē ud seē čiyōn dastwarān gōwēd ā =š abāz dahišn
1014.0
ud abārīg ō kē niyāzag abāz hambārišn
1015.0
čiyōn ō X wizārišn ī wināh ī pidar frayādišnīgtar ēwēnagīhā uzēnag kunišn
1016.0
ān ī nē dānēd čiyōn ā =š xwad pad xwēšīh dāštan pādixšāy
1017.0
u =š pad hamāg dar čē az tōzišn kirdan ī wināh ī pidar ud kirbag ī ruwān =iz pidar rāy ka wināh ud ērang ud abām pidar be wizārēd weh kū pad ruwān ī pidar yazišn ud mizd any kirbag kunēd
1018.0
čē wināh wizārišn frēzwānīgtom kirbag ud warz ud xwarrah abzāyīhēd
1019.0
pursišn
1020.0
mard ē xwāstag ī stūrīh pad xwēšīh ī xwēš frāz gīrēd ā =š wināh čand
1021.0
ud ka kāmēd wizārdan ā =š čiyōn , wizārišn
1022.0
mard kē =š wināh ī pad ēn ēwēnag būd ēstēd atōzišnīhā pad bōxtan šawēd
1023.0
ā =š stōš ud yazišn ī pad rōzag ī sālīgān abāyēd kirdan ayāb nē
1024.0
ēn kū margarzān kē =š pad ǰud az patit , būdan X tōzišn ē nē paydāg ā =š yazišn pad ruwān kunišn ayāb nē ,
1025.0
az ān ka pad patit tā ka nē pad patit ka =š tōzišnkirdagī nē paydāg ā =š dādestān pad čē ǰud nē
1026.0
ud ast =iz ka =š wināh tōzišn paydāg u =š patitīgīh nē paydāg ā =š dādestān az ān kē =š patitīgīh paydāg u =š wināhtōzišnīh nē paydāg pad čē ǰuttar ,
1027.0
mērag ī hāwišt kē pad ruwān ī margarzānān yazišn kunēd ā =š dādestān čē
1028.0
passox
1029.0
kē xwāstag ī stūrīh pad xwēšīh ī xwēš dārēd tā abāz haštād =ē āyēd harw čē =š aziš āškārag , barēd apparagī ud harw čē =š nihānīh turuft padiš duzz bawēd
1030.0
ka wizārdan kāmēd ān ī =š duzzīhā truft dōē ud mādag ān ī apparīhā seē ud mādag abāz abāyēd dādan ō dūdag ī stūrīh hambārišn
1031.0
ud ka az stēr šašt ī stūrīh dram =ē abāz kāhēd pad huspārom ēdōn X čāšt kū pad gyāg tanāpuhr ud pad sāldrahnāy margarzān
1032.0
ud pad =iz abārīg dar stūrškenn margarzān čāšt
1033.0
ka apatitīgīhā abar dād ī wehdēnīh pad bōxtan šawēd az ān čiyōn pad nigādom čāšt kū margarzān ān čiyōn stūrškann ēw nasānigān ē kardag hišt ēstēd man nē gōwam kū =š stōš nē yazišn
1034.0
agar =iš stōš yazišn ā =š abārīg =iz yazišn kār ud kirbag pad ruwān ōh kunišn
1035.0
ēg =iš margarzān kē pōryōtkēšān pad margarzān frārāst